Монголын спортын салбарын "Бөртэ Чоно" шагнал гардуулах арга хэмжээнээс 2018 оны "Шилдэг Менежменттэй Спортын Холбоо"-оор шалгарлаа.

Онцлох мэдээ 2018-12-24

Шилдэг менежменттэй спортын холбоо

Монголын Уулчдын Үндэсний Холбоо Монголын Үндэсний Олимпийн Хорооны спортын салбарын "Бөртэ Чоно" шагнал гардуулах арга хэмжээнээс 2018 оны "Шилдэг Менежменттэй Спортын Холбоо" -оор шалгарлаа.

Холбооны 2016 онд сонгогдсон Удирдах зөвлөлийн өргөтгөсөн Менежментийн багт 50 гаруй уулын спорт, менежмент, бизнес болон бусад салбарын олон шилдэг мэргэжилтэн, менежерүүд сайн дураар нэгдсэн нэг зорилгын дор зангидагдан уулын спортын хөгжилд өндөр хувь нэмрээ оруулан ажиллаж байна.

Бидний 2018 онд зохион байгуулсан - Олон Улсын Уулчдын Холбоо (UIAA), Азийн Уулчдын Холбоо (UAAA)-ын Ерөнхий Ассамблейг Монгол улсад өндөр хэмжээнд зохион байгуулсан,

- Олон Улсын Уулчдын Холбооны уулын спортын аюулгүй ажиллагааны гарын авлагыг Монгол хэлэнд орчуулсан,

- 2018 оны 1 дүгээр сард БНСУ-ын Чеонсонг хотод зохион байгуулагдсан Мөсөнд авиралтын Дэлхийн цомын тэмцээнээс Монгол тамирчин анх удаа Мөнгө, хүрэл медаль хүртсэн,

- Спорт авиралтын шигшээ багийн БНХАУ-ын Уулын Холбооны дэмжлэгтэйгээр Хятадын санхүүжилтээр 6 удаа хамтарсан бэлтгэл хийлгэж, Спорт авиралтын цуврал тэмцээнд оролцуулсан,

- Уулын спортын датабаазыг нэвтрүүлсэн,

- Ууланд авирах, аялах журмыг БОАЖЯ-тай хамтран боловсруулж гаргасан,

- ОБЕГ-ын 50 уулчин аврагчийг бэлтгэж эхэлсэн,

- Уулын спортын сургалтын төвийг байгуулсан,

- Алтай Таван Богд уулын авиралтын замуудыг гаргаж газрын зураг, маршрутжуулсан.

зэрэг томоохон ажил, төсөл хөтөлбөрүүдийг амжилттай хийж гүйцэтгэснийг үнэлсэн шагнал байлаа.

Уулын спортын тамирчид, уулчид, дэмжигчид, гишүүн байгууллагууд, хамтран ажиллагч байгууллагууд, ивээн тэтгэгч нар, Менежментийн багийн хамт олондоо халуун баяр хүргэе!!!

Монголын Уулчдын Үндэсний Холбооны Удирдах Зөвлөл

 

 

Эх сурвалж: Ажлын алба

Бидэнтэй холбоо барих

Уулын спортын хувцас хэрэгсэл борлуулдаг болон бусад уулын спорттой холбоотой ажилладаг аж ахуйн нэгж, олон улсын байгууллагуудыг хамтран ажиллахыг урьж байна.


Монгол улс,
Улаанбаатар хот, Сүхбаатар дүүрэг,
1-р хороо, Бизнес товер-2, 303 тоот

Утас: 77110306

info@mountain.mn