"Дөрвөн бэрх" цом олгох журам

“ДӨРВӨН БЭРХ” ЦОМ ОЛГОХ ЖУРАМ 

НЭГ. НИЙТЛЭГ ҮНДЭСЛЭЛ

1. Энэхүү журмын зорилго нь Уулын спорт, нийтийн биеийн тамирыг хөгжүүлэх, иргэдийн уулын спортын хөгжилд хувь нэмрээ оруулах, уул усаа хүндлэх эрхэм зорилгын хүрээнд 1. Монгол Алтай нурууны ноён оргил Хүйтэн /д.т.д 4374 м/, 2.(а) Хангайн нурууны ноён оргил Отгонтэнгэр /д.т.д 4008 м/, (б) Говь-Алтай нурууны оргил Их Богд /д.т.д 3957м/, 3. Хэнтийн нурууны ноён оргил Асралт /д.т.д 2799 м/, 4.Соёны нурууны ноён оргил Мөнхсарьдаг /д.т.д 3491 м/ оргилуудад тус тус амжилттай авиралт хийсэн уулчныг батламжлах, улмаар уулын спортыг олон нийтэд сурталчилахад оршино.
2. Энэхүү журмын 1.1.-д заасан уулсын оргилуудад амжилттай авиралт хийсэн уулчдыг батламжлах хэлбэр нь цом байх бөгөөд “Дөрвөн бэрх” нэртэй байна /цаашид “цом” гэх/.
3. “Дөрвөн бэрх” цомыг олгохдоо тэгш, шударга, ил тод, нээлттэй байх зарчмыг баримтална.
4. “Дөрвөн бэрх” цомны зохиогчийн эрхийг Монголын Уулчдын Үндэсний Холбоо /цаашид “Холбоо” гэх/ эзэмшинэ.

ХОЁР. ЦОМНЫ ХЭЛБЭР, ХАМРАХ ХҮРЭЭ

1. Цомыг энэхүү журамд заасан шалгуурыг хангасан уулчдад нээлттэй олгоно.
2. Цомыг үнэмлэх, энгэрийн тэмдэг дагалдана.
3. Цомны загвар нь энэхүү журмын Хавсралт №1-д заасны дагуу байна.

ГУРАВ.  ЦОМ ОЛГОХЖУРАМ

1.  Цомыг эзэмших болзол хангасан уулчныг Холбооны гишүүн байгууллагууд, холбоо, клуб, байгууллага, хувь хүн өөрөө нэр дэвшүүлж энэхүү журмын 3.2-т заасан бичиг баримтыг бүрдүүлэн Холбоонд өгсөнөөс хойш ажлын 10 хоногт багтаан олгоно.
2. Монгол Алтай нурууны ноён оргил Хүйтэн /д.т.д 4374 м/, 2.(а) Хангайн нурууны ноён оргил Отгонтэнгэр /д.т.д 4008 м/, (б) Говь-Алтай нурууны оргил Их Богд /д.т.д 3957м/, 3. Хэнтийн нурууны ноён оргил Асралт /д.т.д 2799 м/, 4.Соёны нурууны ноён оргил Мөнхсарьдаг /д.т.д 3491 м/ оргилуудад амжилттай авиралт хийсэн уулчид дараах материалыг бүрдүүлэн Холбооны ажлын албанд sg@mountain.mn цахим хаягаар хүргүүлнэ. Үүнд:
   • Цом эзэмшигчийн анкет /Хавсралт №2/
   • 4 оргилд амжилттай авиралт хийсэн батламжны хуулбар;
   • Оргил тус бүр дээрх фото зураг/бичлэг;
   • Цомны төлбөрийг төлсөн баримт 
3. Цомыг үрэгдүүлсэн тохиолдолд нөхөн олгох бөгөөд дараах материалыг бүрдүүлнэ. Үүнд:
   • Нөхөн олгож өгөхийг хүссэн өргөдөл;
   • Цомны төлбөрийг төлсөн баримт;

ДӨРӨВ. ЦОМЫН ТӨЛБӨР

1. Цомны төлбөрийг Монголын Уулчдын Үндэсний Холбооны Удирдах зөвлөлийн хурлаар тогтооно.
2. Цомны төлбөрийг цомыг эзэмшихээр горилж буй уулчин бүрэн хариуцна.

ТАВ. БУСАД

1. Холбоо нь цом эзэмшигчдийн нэгдсэн бүртгэл, мэдээллийн сантай байна.
2. Мэдээллийн сангийн бүрдүүлэлт, баяжилт хөдөлгөөнийг МУҮХолбооны ажлын алба хариуцан ажиллана.
3. Болзол хангаж цом авсан уулчдын талаар МУҮХ-ны вэб хуудсанд байрлуулж өдөр тутмын мэдээллийн хэрэгслүүдээр сурталчилж нийтэд зарлан мэдээлнэ.

"Дөрвөн бэрх" цом олгох журам татах бол  энд дарна уу.

Анкет файлаар татах бол  энд дарна уу.

ШИНЭ МЭДЭЭ

ЖИРГЭЭ