БЭЭЖИН 2019: ЭРЭГТЭЙ ХУРДНЫ АВИРАЛТЫН УРЬДЧИЛСАН ШАТНЫ ДҮН

Тэмцээн уралдааны мэдээ 2019-01-19

МУҮХ-ны эрэгтэй 4 тамирчин хурдны төрлийн урьдчилсан шатанд гарч уралдлаа.

“Сутайн бор” клубын тамирчин, ОУХМ Н.Хэрлэн эхэлж уралдсан бөгөөд 1 дүгээр зам дээр 8.92 секунд, 2 дугаар зам дээр 10.79 секунд, нийлбэр дүнгээр 19.71 секунд хурдалж 7 дугаар байр, “Сутайн бор” клубын тамирчин, Спортын мастер О.Сайханжаргал 1 дүгээр зам дээр 12.13 секунд, 2 дугаар зам дээр 10.13 секунд, нийлбэр дүнгээр 22.26 секунд хурдалж 11 дүгээр байр тус тус эзэлж хагас шигшээд өрсөлдөхөөр боллоо.

МУҮХ-ны багийн тамирчин, Спортын дэд мастер Д.Отгонхүү нийлбэр дүнгээр 20.37 секундын амжилтаар 8 дугаар байр эзэлж хагас шигшээд мөн шалгарлаа.

“Сутайн бор” клубын тамирчин Ж.Сэдэд 1 дүгээр зам дээр 12.39 секунд, 2 дугаар зам дээр 12.33 секунд, нийлбэр дүнгээр 24.72 секунд хурдалж 17 дугаар байр эзэллээ. Эхний 16 байр эзэлсэн тамирчид дараагийн шатанд өрсөлдөнө.

Манай залуу тамирчин Ж.Сэдэд хагас шигшээд шалгарахад маш ойрхон буюу түүнд ердөө л 0.3 секунд нэмж хурдлах хэрэгтэй байв. Дэлхийн цомын аварга шалгаруулах энэ удаагийн тэмцээнд “Сутайн бор” клубын тамирчин Ж.Сэдэд 8 орны, тодруулбал БНХАУ-ын 5, Казакстаны 3, АНУ-ын 3, ОХУ-ын 2, Финланд, Франц, Япон, Шведийн тус бүр 1, нийт 17 тамирчныг ардаа орхисон амжилт үзүүллээ. Тэмцээн нэгээр дуусахгүй билээ. Залуу тамирчин Ж.Сэдэд дэлхийн түвшний тэмцээнд техник болон хурдны төрлүүдээр анх удаа оролцож өндөр амжилт үзүүлэн өсөх ирээдүйтэй тамирчин гэдгээ Та бидэнд харууллаа. Ихээхэн туршлага хуримтлуулж, бэлтгэлээ улам чамбайруулах арга ухаан нэмсэн тэмцээн болсон гэдэг нь дамжиггүй билээ. Ж.Сэдэддээ баяр хүргэе!.

Ийнхүү МУҮХ-ны 7 тамирчин урьдчилсан шатанд гарч уралдсанаас 4 тамирчин, үүнээс “Сутайн бор” клубын 3 тамирчин хагас шигшээ улмаар шигшээ уралдаанд оролцоно.

Хагас шигшээд ОХУ 6, БНХАУ 4, Монгол 3, Иран 1, Канад 1, БНСУ 1 тамирчин сойно. БНХАУ-ын тамирчдын амжилт өмнөх жилүүдийнхээс огцом сайжирч байгаа нь илт байна. Хагас болон шигшээ уралдаанууд маргааш буюу 2019.01.20-ны Бямба гаригийн өглөөний 10:20 цагаас шууд дамуулах болно.

Баг тамирчиддаа амжилт хүсье.

Эх сурвалж: Б.Ганчимэг “Сутайн бор” клубын тамирчин

ШИНЭ МЭДЭЭ

Онцлох мэдээ 2019-07-08
Уулын спортын салбар 8 дахь ГАВЬЯАТаа өлгийдөн авлаа
Тэмцээн уралдааны мэдээ 2019-06-21
"АЛЬПИНИАД-2019" УУЛЧДЫН НЭГДСЭН ЦУГЛАРАЛТЫН МЭДЭЭ -
Үйл явдлын мэдээ 2019-05-23
Альпиниад-2019
Тэмцээн уралдааны мэдээ 2019-05-20
СПОРТ АВИРАЛТЫН УЛСЫН АВАРГА-2019
Онцлох мэдээ 2019-04-03
АЮУЛГҮЙ АЖИЛЛАГААНЫ ЖИЛ 2019
Онцлох мэдээ 2019-04-02
УУЛЫН АЮУЛГҮЙ АЖИЛЛАГААНЫ ЖИЛ 2019
Онцлох мэдээ 2019-04-02
2019 ОНЫ ТӨЛӨВЛӨГӨӨ-
Үйл явдлын мэдээ 2019-03-26
Хан Тэнгэр уулын авиралт- 2019
Үйл явдлын мэдээ 2019-03-13
ОУУХ-ны Залуучуудын комиссын хуралдаан Кипр-т болов
Тэмцээн уралдааны мэдээ 2019-03-10
Мөсөнд авиралтын дэлхийн аваргын эргэн тойронд

ЖИРГЭЭ

Бидэнтэй холбоо барих

Уулын спортын хувцас хэрэгсэл борлуулдаг болон бусад уулын спорттой холбоотой ажилладаг аж ахуйн нэгж, олон улсын байгууллагуудыг хамтран ажиллахыг урьж байна.


Монгол улс,
Улаанбаатар хот, Сүхбаатар дүүрэг,
1-р хороо, Бизнес товер-2, 303 тоот

Утас: 77110306

info@mountain.mn